بيسرق الكاميرا .. مراد ناجح عزيز

مراد ناجح عزيز

 

إلى تاريخ مصر العظيم

 

أرضه غير الأرض

حُزنه، حبّة رتوش فـ قصيدة طويلة

شمسه، سنين ماتعرفش الغياب

بطل الحلول البديلة للوجع

إكمنّه قادر يخلّي إحساسنا بالحياة أجمل

ويرقّص البنات ع الموسيقى اللي بيحبّها

والبنت اللي اختارها من بينهم

وساب لها روحه بحريّة كاملة،

وبدون شروط

هيَّ دي البنت اللي هـ تروّح معاه

وتسكن فـ قلبه

واللي هـ يعمل معاها عِيلة

واللي هـ تطلع معاه في الكادر

بنفس الحضور

هو بس..

اللص الشريف اللي بيسرق الكاميرا

وبياخد كل سوكسيه الجمهو..

فـ العرض المباشر

ويسيبك وانت عايش نفس الحالة

مستلف روحه اللي فـ القمر

بس ممكن تنزل ع الأرض بشكل مثالي

وتسيب حاجات تانيه تظهر

ونجوم تعيش فـ الكادر دقايق،

وبعدين وتموت

لمّا يقوم ويفرد طوله ع الخريطة..

تاريخ عمره 7000 سنة

شاهد أيضاً

محمد عادل

شوبان .. محمد عادل

  أستمع أحيانًا إلى موسيقى شوبان وأقول في نفسي: «كيف لرجل لم يشهد بشاعة الطاعون …

اترك رد